بعيدا عن فكرة اني مسلم او مسيحي
فكرة اني اكون انسان حر عايش ناس بتحبني او بتكرهني
ناس محتاجني او اتعودت علي مكاني
و فجأة اتقتل بلا ذنب يلقاني
اكون فبيتي بجهز لعيدي
باحلي لبس و الابتسامة علي جبيني
و فجأة
مفيش امان الاقيه من حواليا
من واحد بنا يروح و كنت دايما مستني بسمته في عنيا
انا نفسي اعرف اي قلب بلا حياه يقتل ناس في الشارع ماشية
مصحهوش ضميره و لو مرة ان الناس ديه في ناس غيرهم بيهم عايشة
و لا حتي فكر ان اخوه فنفس الشارع ممكن فلحظتها يكون بيتمشي
الموت و الفراق صعب يا اخونا
اهداء لروح
مريم فكري
كنت اتمني اني الاقي عاطفة سعيدة تجبرني اني اكتب خواطر مش عشان اتقتل اخويا او اخوك
جاري او جارك
حد تعرفه و يعرفك؟
السؤال اللي نفسي اساله للي عمل كده
ضميرك موجعكش؟
يا اخي ده الواحد لو بيعمل حاجة غلط بسيطة بيكون حيموت من جواه
مش رايح يقتل ناس
و هو مستريح
كتبت في 2 يناير 2011 بعد حادثة تفجير كنيسة القديسيين بالأسكندرية
ليست هناك تعليقات:
إرسال تعليق